بالعامية (عليكي طمنيني)

علمتني احلم بدنيا من عطور وسبتني وحدي غريق وسط البحور
حبيبتي عارف إن أنا ماليش مكان بين الأمل بين الحنان بين الزهور

لكن عليكي طمنيني وبرغم بُعدك كلميني

لأنك البسمة البريئة يا ضي عيني
كأنك النسمة الجريئة بتحرسيني

وهان عليكي تودعيني من غير كلام بينك وبيني

أنا عارف إن هربتي مش عشان تخوني
لكن عشان مش راضية إنك تجرحيني

لكن حبيبتي صدقيني أنا وقلبي بتملكيني

وطريقي من غيرك ألام مالهاش حدود
ضاع الأمل ضاع الحنان ضاعت ورود

وأنا مقدر من البداية إن هي دي نهاية الحكاية

لكن بحبك رغم كل اللي مليني
وهاقولها تاني أنا وقلبي بتملكيني

وحبي ليكي أغلى وعد لكن نصيبنا نعيش في بُعد

مش عاوز أسكت عاوز اتكلم كمان
لكني مش عايش هنا في نفس الزمان

وطريقي غير كل الطرق ولقانا هو المفترق

أنا ضاع كتير من عمري مش هاندم عليه
حتى اللي فاضل من حياتي هاعيشه ليه

لكني عمري ما هانسى كلمة من كلامك يا ارق بسمة

إن كنت يوم قصرت عاوزك تعذريني
وإن كنت علي البُعد قدرت ما تظلميني

ويا ريت عليكي تطمنيني وبرغم بُعدك كلميني..
ويا ريت عليكي تطمنيني وبرغم بُعدك كلميني..