باحلم

نفسي ألف العالم كله معايا رسالة
إني أرجع زمن الفروسية الخيالة
إني أحرر عبودية أطفال شغالة
نفسي أكسر كل الأصفاد اللي بتخنق
هو أنا باحلم إني أغير عالم بمقالة؟
باحلم إني أغير عالم مليان حرب، فساد ودمار
باحلم ارسم صورة لطفلة
من غير دمعة قهر ونار
باحلم أصحى ف يوم والاقي
...
الدنيا بقت جنة أزهار
مش أوراق حرة بتتقطع
وحضارة دولة بتنهار
مش أشواك في قلوبنا بتنخر
مش عسكر وقيود وحصار..
....
لازم احلم .. لازم اكون إنسان واعلي بحلمي الصوت..
مش هاتراجع،، او اتخفى وإلا يكون صرخاتي سكوت..
قالوا زمان لو بني ادم من غير أحلام ،، احسن له الموت..
لازم احلم ،، لازم اكون انسان عايش مش جثة في قلب تابوت